8 верасня 2023 года ў Дзяржаўным музеі гісторыі беларускай літаратуры (г. Мінск,вул. М.Багдановіча, 13) пры падтрымцы Міністэрства культуры Рэспублікі Беларусь пройдзе Міжнародная навукова-практычная канферэнцыя “ХХХ Гарэцкія чытанні”, прысвечаная 130-годдзю з дня нараджэння беларускага пісьменніка, літаратуразнаўцы, лексікографа, фалькларыста, аднаго з пачынальнікаў нацыянальнай мастацкай прозы Максіма Іванавіча Гарэцкага. Чытанні арганізуюцца сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі і Саюзам пісьменнікаў Беларусі.
Праблемнае поле канферэнцыі:
- Дзейнасць Максіма Гарэцкага пачатку XX стагоддзя.
- Малая проза Максіма Гарэцкага.
- Праўда пра вайну Максіма і Леаніда Гарэцкіх.
- Лексікаграфічная спадчына братоў Гарэцкіх.
- Смаленскі перыяд творчасці Максіма Гарэцкага.
- Непаўторнасць і шматграннасць таленту М. Гарэцкага-драматурга.
- Публіцыстычная дзейнасць Максіма і Гаўрылы Гарэцкіх.
- Творчыя і жыццёвыя стасункі пісьменніка.
- Максім Гарэцкі і сучасны літаратурны працэс.
- Жыццё і творчасць прадстаўнікоў роду Гарэцкіх.
Рабочыя мовы канферэнцыі – беларуская і руская.
Формы ўдзелу – вочная і завочная. Праезд, харчаванне і пражыванне – за кошт удзельнікаў канферэнцыі.
Адкрыццё канферэнцыі – 10:00. Пачатак рэгістрацыі – 9:30.
Заяўкі на ўдзел у чытаннях прымаюцца па 22 жніўня 2023 г. на электронны адрас info@bellitmuseum.by з пазнакай “XXX Гарэцкія чытанні”.
Даведкі па тэл. +375 (33) 661-63-97 (вучоны сакратар Наталля Валер’еўна Калядчык).
